Zbuloni bukurinë e Gostivarit dhe rajonit të Gostivarit përmes syve të koleges Anastasia Jaqimovska

Çdo muaj i kushtojmë vëmendje bukurive të një vendi, një zone të bukur të vendit tonë. Zbulojmë gjëra që ia vlen të zbulohen, histori të pazbuluara ose të harruara që përfaqësojnë me krenari të kaluarën tonë. Dhe me çdo rrëfim të ri të historisë, mësojmë shumë gjëra të reja dhe të ndryshme. 

Këtë herë vendosëm të bëjmë një shëtitje me kolegen tonë Anastasia, e cila do të na udhëheqë nëpër qytetin e Gostivarit dhe rrethinat e tij, me qëllim që të mësojmë diçka më shumë dhe të përpiqemi të ndiejmë nga afër bukurinë e këtij vendi, të shtrirë në pjesën jugore të Luginës së Pollogut. I rrethuar nga malet Bistra dhe Mali i Sharrit, Gostivari është një shembull unik se si duhet të funksionojë një mjedis multikulturor në të cilin jetojnë pothuajse të gjitha kombësitë në Maqedoni. 

Konsiderohet një vend me natyrë piktoreske dhe një trashëgimi të pasur kulturore dhe arkeologjike, në rrethinat e të cilit ka vende arkeologjike nga të cilat burojnë një numër i madh fragmentesh të gërmuara dhe copa të ruajtura plotësisht që datojnë që nga Epoka e Gurit. Pranë qytetit ndodhet parku më i madh kombëtar dhe qendra e skijimit në Maqedoni - Mavrova, e cila është një zgjedhje ideale për një përvojë të paharrueshme në çdo stinë. Dashamirësit e natyrës mund të shijojnë idilën dimërore dhe pistat e skijimit në dimër, ndërsa në verë mund të kënaqen me pamjet e bukura të liqenit, të rrethuara nga peizazhet përreth dhe qetësia e maleve. Pistat e skive shndërrohen në shtigje të përsosura për ecje, dhe Mavrova shndërrohet në një shesh lojërash malore që ofron diçka për të gjithë. 

Kur flasim për Gostivarin dhe rrethinat e tij, është e pashmangshme të mos përmendet fshati Vrutok, i cili ofron një përvojë të ndryshme, sepse është në fshatin Vrutok që ndodhet burimi i lumit Vardar, i cili kalon nëpër qytet dhe e ndan qytetin në dy pjesë. 

 
Çdo qytet, çdo vend ka legjendën e vet që tregohet brez pas brezi, dhe kështu është edhe Gostivari, legjenda e të cilit tregon origjinën e emrit të tij.   

Legjenda daton që nga koha e osmanëve, kur Gostivari ishte ende një vendbanim i vogël me shumë hane që vizitoheshin nga njerëz nga pjesë të ndryshme të Ballkanit. Për këtë arsye, turqit filluan ta quanin "gostivar" midis tyre, që do të thotë (ka mysafirë), dhe Gostivari u bë "qyteti i mysafirëve".  

Gjatë Perandorisë Osmane, vendbanimi i vogël filloi të rritej ngadalë me rritjen e numrit të banorëve të ardhur nga pjesë të tjera të Maqedonisë, kështu  fillimisht në vetë vendbanimin është ndërtuar mjë xhami, dhe më vonë, për hir të prestigjit, u ndërtuan një shkollë, një banjë, një karavansaraj dhe disa dyqane. 

 Në qendër të qytetit, menjëherë pranë xhamisë, ndodhet një nga monumentet më të famshme kulturore dhe historike - Kulla e Sahatit. Specifika e Kullës së Sahatit rrjedh nga ndërtimi i saj specifik, i cili, përmes disa orëve të integruara në të, ende funksionon dhe tregon kohën e saktë. Sipër derës së hyrjes është një pllakë e madhe guri mbi të cilën është shkruar emri dhe viti i ndërtuesit të kullës. Kulla e Sahatit në Gostivar, së bashku me kullat e sahatit në Shkup, Manastir dhe Prilep, është gjithashtu një nga kullat e sahatit më të ruajtura në Maqedoni.  

Jo më pak pjesë e rëndësishme e trashëgimisë kulturore të Maqedonisë, por mbi të gjitha të Gostivarit, është “Shtëpia e Boletinëve” ose e famshmja “Shtëpi e Beut”, e cila ekziston ende në qytet si dëshmitare e një kohe tjetër. Me ndërtesën e saj karakteristike, e cila ishte vetëm për njerëzit e pasur në atë kohë dhe që është një kompleks prej dy shtëpish, nga të cilat sot mund të shihet vetëm pjesa mashkullore e kompleksit, ajo ende konsiderohet një monument i rëndësishëm kulturor dhe historik në qytet, i cili tërheq shumë njerëz që duan të mësojnë më shumë rreth historisë së qytetit të Gostivarit. 

Monumente të tjera kulturore dhe historike, të cilat padyshim duhet të jenë pjesë e turit tuaj në Gostivar dhe rajonin e Gostivarit, janë Kisha “Shën Bogorodica” e cila ndodhet në vetë sheshin, por edhe “Manastiri i Shën Preobrazhenie” i cili ndodhet në lokalitetin Crn vrv.  

Qendra e të gjitha ngjarjeve kulturore në Gostivar është “Shtëpia e Kulturës ASNOM”, brenda së cilës mbahen ngjarjet më të rëndësishme kulturore në Gostivar, të cilat zhvillohen në tre gjuhë: maqedonisht, shqip dhe turqisht. Gjithashtu ka shfaqje nga shoqata kulturore dhe artistike "Vëllezërit Ginoski", e cila vepron përmes disa seksioneve, si: seksioni për këngë të vjetra qytetare, seksioni për folklor (seksioni i shfaqjeve), seksioni për valle moderne... Sigurisht, nëse jeni një nga dashamirësit e një libri të mirë, Anastasia rekomandon të vizitoni bibliotekën "Vuk Karaxhiç", e cila ka mbi 80,000 libra dhe është një nga bibliotekat e rralla në Maqedoni që ka një kënd të veçantë për fëmijë.  

Shpresojmë se kemi arritur t'ju sjellim të paktën disa nga bukuritë e Gostivarit dhe rrethinës së tij, për t'ju intriguar që të vini dhe t'i shihni vetë dhe t'i vizitoni vendet e përmendura. Dhe nëse doni të dini më shumë - mund ta gjeni Anastasia Jaqimovskën në degën tonë Tigo në Gostivar. Dhe mos harroni, për dëshirat tuaja financiare, Tigo.mk është këtu!