Me kolegen Anita përmes magjisë së Kumanovës - Gryka e Bislimit

Në afërsi  të qytetit të Kumanovës, në bashkimin e lumit Kumanovka dhe lumit Pçinja, natyra ka "ndërtuar" Grykën e bukur të Bislimit. Nuk dihet shumë për këtë grykë dhe thesaret e saj, megjithëse është një gjë e rrallë natyrore që ndodhet vetëm 5 km nga qyteti i Kumanovës dhe magjeps me bukurinë e saj natyrore.  

Sipas njohurive, emri i Grykës së Bislimit buron nga një fshat mesjetar që ndodhej në pjesën qendrore të grykës, dhe i cili u zhvendos drejt fundit të shekullit të 16-të ose 17-të, gjatë Sundimit Osman. 
 

Gryka është e arritshme nga disa anë, por mënyra më e lehtë për të arritur atje është duke u kthyer nga rruga kryesore Kumanovë - Sveti Nikolë, ose si një opsion i dytë nga ana jugore, përmes fshatit Pçinja përgjatë lumit.
 

 Gryka është 7 km e gjatë dhe përgjatë kësaj gjatësie ka natyrë të paprekur që duhet përjetuar me sytë tuaj. Në grykë ka dhjetra shpella dhe humnere, të cilat janë mahnitëse me bukurinë e tyre, por edhe me misticizmin që fshehin brenda vetes. I gjithë shkëlqimi i grykës mund të shihet si në pëllëmbën e dorës nëse ngjiteni në kodrën e Krastës, ndëra pjesa qendrore është pjesa më interesante dhe mbresëlënëse e grykës dhe mund të arrihet vetëm duke ecur.  

Kur të filloni të lëvizni përgjatë shtratit të lumit, duke kaluar lumin, pas disa qindra metrash do të hasni surprizën e parë që natyra ka përgatitur. Në anën e djathtë të lumit do të shihni hapjen e shpellës së parë. Kjo shpellë e ka marrë emrin Markova Kuça (Shtëpia e Markos). Legjenda thotë se një farë hajni Marko, duke ikur nga turqit, arriti në një shpellë hyrja e së cilës ishte pranë lumit, dhe dalja mjaft lart mbi kodër. Kështu, hajni Marko u shpëtoi turqve, dhe shpella u quajt Markova Kuça (Shtëpia e Markos). Edhe pse ende nuk është eksploruar plotësisht, supozohet se gjatësia e të gjitha kanaleve në Markova Kuça është rreth 150 metra. Duke eksploruar grykën, do të hasni edhe Shpellën Gradishki dhe Gradishka Propast (humnerë), të cilat ndodhen në anën e majtë të grykës në zonën e Gradishtës. Pranë tyre, në rrëzë të Gradishtës, pranë shtratit të lumit Pçinja, ndodhet një nga shpellat më karakteristike në këtë zonë, e njohur si Studen Peshter. 

 Ndërsa në pjesën jugore të grykës, 2 km në anën e kundërt të fshatit Pçinja, ndodhet Lishkov Peshter, për të cilin ekziston një besim popullor se në vetë shpellën ose në afërsi të saj, është varrosur një thesar i madh, por kushdo që e zbulon ose e merr atë do të ketë fat të  keq.
  

Destinacioni juaj i radhës për ecje në këmbë le të jetë Gryka e Bislimit, ku mund të vizitoni shpella të shumta dhe një kanion të thellë. Në të njëjtën kohë, larg zhurmës së qytetit, mund të shijoni florën dhe faunën e pasur, gjë që e bën grykën një vend të vërtetë unik natyror në këtë pjesë të vendit.   

Shpresojmë që për një moment, me udhëtimin e përgatitur nga kolegia jonë Anita Dimkovska, arritëm t'ju përcjellim bukurinë mistike të Grykës së Bislimit, atraksionin natyror të rajonit të Kumanovës. Nëse doni të dini më shumë, mund ta gjeni Anitën në qendër të Kumanovës, në degën tonë Tigo që ndodhet në rrugën "Goce Delçev" nr. 36/1-2 (në shesh) ose në degën e dytë Tigo në Kumanovë në rrugën "3-ta Makedonska udarna brigada" (përballë shkollës së mesme "Sami Frashëri").  

Deri në zbulimin e radhës të magjisë së re nga një nga qytetet tona, mos harroni se për të realizuar dëshirat tuaja financiare nuk keni nevojë për magji, ja ku është Tigo.